MC Tahlilan

 

MC Tahlilan

 

السلام عليكم ورحمة الله وبركاته

بسم الله الرحمن الرحيم الحمد لله رب العالمين وبه نستعين على أمور الدنيا والدين والصلاة والسلام على أشرف الأنبياء والمرسلين سيدنا ومولانا محمد وعلى أله وصحبه أجمعين لاحول ولا قوة إلا بالله العلى العظيم أما بعد

 

Dumateng bapak alim ulama’ ingkang kawulo hormati

Poro bapak, poro sederek, tamu undangan ingkang kawulo hormati

Ugi Shahibul bait sekeluargo ingkang kawulo kawulo mulyaaken

 

Sepisan monggo kito tansah muji syukur wonten ngerso dalem Allah Swt dene menopo ngantos dumugi wekdal dalu meniko, kulo soho panjengengan sami dipun takdiraken saget kempal manunggal wonten meniko papan pinarakan, saperlu ijabatud dakwah saking panjenengan ipun bapak...... kanthi kawontenan sehat wilujeng mboten manggihi alangan setunggal menopo. Mugi-mugi kempal manunggal kito tansah dipun catet dening Allah Swt. dados amal kesaenan fiddiin waddunyaa walaakhirah. Aamiin

 

---

 

Ongko kaleh sanjungan shalawat salam mugi tansah katur kunjuk dumateng junjungan kito Nabi Agung Muhammad Saw ingkang tansah kito ajeng-ajeng syafa’atipun min yauminaa haadzaa ilaa yaumil qiyaamah. Ing pangajat mugi-mugi kula dalah panjenengan sami tansah dipun aku dados umat ipun pikantuk syafa’at ipun khususon khashshah mangke wonten ing yaumul kiyamah. Aamiin yaa rabbal’aalamiin.

 

Sak lajengipun minangkani sesuleh saking shahibul bait, inggeh puniko bapak/ibu...... sepisan ngaturaken agunging panuwun ingkang tanpo utami menggah rawuh panjenengan sami ingkang sampun karoyo-royo ngluwangaken wekdal, tenaga saperlu ijabatud dakwah . Atas nami sesulih saking shahibul bait namung saget ngaturaken agunging panuwun teriring jazakumullahu khairati wasa’aadatiddunyaa wal aakhirah. Aamiin

Sak lajengipun mbok bilih anggenipun ngrawuhaken dateng panjenengan sami, sajak wonten hal-hal ingkang mboten mranani dumateng panjenengan sami, kawulo minangkani sesulih nyuwun pangapunten ingkang sak kathah-kathahipun.

Sak lajengipun shahibul bait anggadahi pinten-pinten hajat. Sepisan syukur wonten ngerso dalem Allah Swt. atas sedayanipun nikmat ingkang dipun paringaken dumateng shahibul bait dalah tiyang sak keluargo. Mugi-mugi sedayanipun nikmat ingkang dipun paringaken dumateng shahibul bait meniko tansah dados nikmat ingkang mubarakah, ingkang manfaat, fiddiini waddunyaa walaakhirah. Aamiin.

Sak lajengipun kintun dunga dumateng sedoyo ahli kubur ingkang sampun sumare khususipun dumateng..... ingkang kaleres......... Mugi-mugi sarono waosan dzikir tahlil sak cekap ipun, sedoyo arwah kasebat wabilkhusus bapak/ibu..... tansah nampi kenikmatan wonten alam kuburipun, dipun ngapunten sedoyo kalepatanipun, lan tembe wonten yaumul qiyamah dipun kempalaken sareng panjenengan dalem Rasulullah Saw. wonten suarganipun Allah Swt.

Sak lajengipun imam tahlil kasuwun panjenengan ipun bapak.... dongo panjenengan ipun bapak.....

Saking kawulo minongko pranoto acoro, kawulo cekapi semanten, wonten klenta klentu nipun kawulo nyuwun pangapunten ingkang sak kathah-kathahipun.

 

والله الموفق إلى أقوم الطريق

والسلام عليكم ورحمة الله وبركاته

 

Dumateng panjengenganipun bapak ……. Kawulo aturaken.