Sambutan Wakil Kelas 6 dalam Rangka Perpisahan (Bahasa Jawa)

 

السلام عليكم ورحمة الله وبركاته

بسم الله الرحمن الرحيم الحمد لله رب العالمين والصلاة والسلام على أشرف الأنبياء والمرسلين سيدنا ومولانا محمد وعلى أله وأصحابه أجمعين لاحول ولا قوة إلا بالله العلي العظيم. أما بعد.

·       Dumateng poro bapak alim-ulama’, bapak kiai, poro sepuh, pinisepuh, ingkang tansah kulo hormati, khususipun bapak kepala sekolah SDN Slemanan 01 ingkang tansah kulo hormati.

·       Dumateng poro bapak/ibu guru SDN Slemanan 01 ingkang tansah kulo hormati.

·       Bapak/ibu wali murid ingkang kulo hormati

·       Tamu undangan ingkang tansah kulo hormati

·       Mboten kesupen konco-konco murid SDN Slemanan 01 ingkang kulo tresnani                           

Sepisan, monggo kito tansah muji Syukur wonten ngerso dalem Allah Swt. Ingkang tansah paring Taufiq, hidayah, ugi kenikmatan, sehinggo kito saget kempal manunggal wonten meniko papan pinarakan kanthi kawonten sehat, wilujeng, mboten manggihi alangan setunggal punopo.

Angko kalih, Sholawat salam mugi katur kunjuk wonten ngarso dalem junjungan kito Nabi Agung Muhammad Saw. Ingkang sampun paring petedah wiwit zaman jahiliah dumugi zaman Islamiyah.

Angko tigo, kulo jumeneng wonten ngarso panjenengan sami, minongko sesulih saking sedoyo konco-konco kelas enem. Sepisan, kulo sak konco ngaturaken agungipun panuwun dumateng sedoyo bapak/ibu guru, khususipun bapak kepala sekolah ingkang sampun paring bimbingan, arahan, piwulangan sehinggo kulo sak konco saget mangertos pundi ingkang sae, lan pundi ingkang awon. Pundi ingkang kedah dipun lampahi lan pundi ingkang dipun tebihi. Sepisan malih atas nami sesulih saking konco-konco kelas enem kulo ngaturaken agungin panuwun kanti kairing do’a “Jazakumullahu khairati wasa’adatid dunyaa walaakhirah”, Aamiin.

Kaping kalih, atas nami sesulih saking konco-konco nyuwun agunging pangapunten, dumateng bapak/ibu guru mbok bilih salami bibinahu wonten sekolah kathah solah bowo, tindak lampah ingkang mboten mranani penggalih, ugi kesalahan lan kekhilafan, sengojo utawi mboten. Sepisan malih atas nami sesulih konco-konco nyuwun agungin sih samudro pangaksami dumateng bapak/ibu guru.

Kaping tigo, kulo sak konco nyuwun do’a pangestu dumateng bapak/ibu guru sedoyo, mugi-mugi ilmu ingkang sampun kulo sak konco pikantuk wonten sekolah meniko, dados ilmu ingkang barokah, ingkang manfaat fiddini, waddunyaa, wal akhirah. Aamiin.

Kulo sak konco ugi nyuwun do’a pangestu mugi-mugi anggenipun bibinahu wonten, sekolah, madrasah, utawi pondok ingkang sak lajengipun dipun paringi kelancaran, dipun Paringi istiqamah, ingkang akhiripun dipun paringi sukses, hasil nopo ingkang dados cita-citanipun, Aamiin.

Poro bapak/ibu mekaten ingkang saget kulo aturaken minangkani sesulih saking konco-konco kelas enem. Sepisan malih ngaturaken agunging panuwun ugi nyuwun agunging pangapunten ingkang sak kathah-kathah ipun. Saking kulo, kulo cekapi semanten. Wonten khilaf wiwit awal ngantos akhir, nyuwun pangapunten ingkang sak kathah-kathah ipun.

وَبِاللهِ التَّوْفِيْقُ وَالْهِدَايَةُ

والسلام عليكم ورحمة الله وبركاته