Teks MC Yasinan Mawi Boso Jawi

 

Teks MC Yasinan Mawi Boso Jawi

Dumateng poro ‘alim ulama’ ingkang tansah kawulo hormati

Dumateng ibu ketua jam’iyah yasinan ingkang kawulo hormati

Shahibul bait sekeluargo ingkang kawulo hormati

Ugi dumateng ibu-ibu, sederek sedoyo, anggota jama’ah yasinan putri ingkang kawulo mulyaaken

Sepisan monggo kito tansah muji syukur wonten ngerso dalem Allah swt, dene menopo ngantos dumugi kesempatan meniko, kawulo dalah panjenengan sami katakdiraken saget sareng-sareng kempal manunggal wonten meniko papan pinarakan kanthi kawontenan sehat wilujeng mboten manggihi alangan setunggal menopo.

Angka kalih, shawalat salam mugi tansah katur kunjuk dumateng gusti kitho kanjeng Nabi Muhammad saw ingkang tansah kito ajeng-ajeng syafa’at ipun wiwit dinten meniko ngantos dinten kiyamat. Mugi-mugi kawulo panjenengan sami tansah dipun aku umat ipun lan pikantuk syafaat ipun. Aamiin yaa Rabbal’aalamiin.

Angka tigo minangkani sesulih saking konco-konco jama’ah yasinan ngaturaken agunging panuwun ingkang tanpo upami dumateng shahibul bait dalah tiang sak keluargo ingkang sampun paring papan pinarakan saperlu kangge ngawontenakan jamaah yasinan meniko. Atas nami sesulih saking konco-konco jama’ah yasinan namung saget ngaturaken agunging panuwun teriring do’a “Jazakumullahu khairaati wasa’aadatid dunyaa wal aakhirah”. Aamiin yaa Rabbal’aalamiin.

Sak lajengipun minangkani sesulih saking konco-konco jama’ah yasinan, mbok bilih anggenipun sowan wonten dalem meniko sajak wonten hal-hal ingkang mboten mranani penggalih shahibul bait dalam tiang sak keluargo, mawantu-wantu atas nami wakil saking sedoyo konco-konco jama’ah yasinan nyuwun agunging sih samudra pangaksami dumateng shahibul bait dalah tiang sak keluargo.

Sak lajengipun waosan surat yasin meniko mangke kito hadiyahaken dumateng panjenengan ipun Rasulullah saw, keluargo, sahabat ugi sedoyo penderekipun, guru-guru kito sami, ahli kubur kito sami khusus ipun ahli kubur saking shahibul bait inggih meniko…. Mugi-mugi sarana waosan surat yasin ugi lintu-lintu nipun mangke, sedoyo ahli kubur ingkang kito kentun tansah dipun tampi sedoyo amal kesahenan ipun, dipun ngapunten sedoyo kelepatanipun lan tembe wonte yaumul qiyamah dipun kempalaken sareng-sareng panjenenganipun Rasulullah saw wonten suarga nipun Allah swt. Aamiin yaa Mujibassaiilin.

Sak lajengipun kiangge imam yasinan kawulo aturaken dumateng ibu….. kangge kawulo minangkani panoto acoro wonten khilaf awit awal ngantos akhir, kawulo nyuwun pangapunten sak kathah-kathah ipun. Akhirul kalam…..

 

Dumateng panjenengan ipun ibu … kawulo aturaken.